تقبل عجوز تشتريك ... ولا بنت بلدك اولي بيك ؟؟

من طرف أبو عمار المصرى السبت 13 أغسطس 2011, 4:46 pm

تقبل عجوز تشتريك ... ولا بنت بلدك اولي بيك ؟؟

** السلام عليكم ورحمة الله وبركاته **

ازيكم جميعا

تابعو معايا الموضوع دا يا جماعة وقولو رايكم لو سمحتم

امام البوابة الحديدية السوداء وقف احمد وهيثم في انتظار تاشيرة السفر للفرار من الجحيم .. جحيم الوطن .. وهناك سمعا بعض الشباب يتحدث وفي يد كل منهم ورقة .. عرفا انها طلبات توثيق لعقود زواج مصريين من اجنبيات .. ميل احمد علي واحد منهم وساله

كابتن كابتن ايه الورقة دي ؟
رد عليه وقال
دا عقد جواز بوثقه من السفارة !!

اشمعني السفارة انت متجوز من اجنبية ؟؟
- زبونة اصطدتها من فوج بيزور الاقصر عندنا !!
لم يفهم احمد زبونة .. فوج .. الاقصر .. عندنا ..
ولما لمح الشاب عدم فهم احمد مايعنيه ادرك انه معندوش خلفية فقال بكل فكاكة **
الواحدة من دول بتيجي مصر تتفسح وعايزة تتبسط ومعاها اااااد كده .. فتح مخك شوية .. ليه متغيرش حياتك وتتجوزها في الحلال .. هي صحيح عجوزة حبتين بس هتعيشك سلطان زمانك ..

لم يكد ينهي عبارته حتي توقفت سيارة نزلت منها عجوز تمسك بيد شاب في العشرين تسحبه وراءها كخروف ..

وتكرر وصول العجائز المهكعة ووراها الخرفان المبهدله ..

زي ماانت شايف بنتكلم هنا عن ظاهرة زواج الشباب المصري من المسنات الاجنبيات والتي اصبحت بتنتشر وتتوغل بصورة مفزعة .. وخاصة في المدن السياحية كالاقصر واسوان وشرم الشيخ والغردقة ..لدرجة ان 40 % من زيجات الشباب في الاقصر بتكون من اجنبيات عجائز ولا يخلو شارع في المدينة من عجوز اجنبية بصحبة شاب ..

ايضا كشفت احدث الدراسات عن وجود اكثر من 17 الف حالة زواج من اجنبيات وخاصة الاوروبيات ووصفت هذه الظاهرة التي تتمثل في زواج عجائز تترواح اعمارهن بين الخمسين والسبعين عاما بشبان مصريين تتراوح اعمارهن بين العشرين والخمسة وعشرين عاما بانها نمط من انماط الاتجار بالبشر ..

اولا ايه رايك هل انت مع الموضوع ولا ضده ؟؟

ثانيا ياتري ايه الحل ؟؟

يا تري تستحمل الظروف ولا تبيع ..... قبل ما زهرة شبابك تضيع ؟؟

طيب لما شبابنا يتجوز من بره مين هيتجوز بناتنا ؟ بناتنا

هتروح فين ؟